خدعوك فقالوا (( ملك الاحساس ))

لموضوع دا انا عملته لنقد تامر الفنان

مش تامر الانسان

يعنى هتكلم على فنه مش على شخصيته

فيه جملة مستفزة اوى بسمعها هنا من اللى بيحبوا تامر

و اللى استفزنى اكتر ان فيه ناس مننا ( كارهى تامر ) موافقين ع الجملة دى

جملة : صوته حلو و أغانيه حلوة و احساسه عالى

طب يعنى ايه صوته حلو ؟؟!!!!

طب ما كل اللى بيغنوا صوتهم حلو .. و الطبيعى ان المطرب يبقى صوته حلو

و لو ع الصوت يبقى كل الجيل بتاعوا صوتهم احلى

عندك حماقى و عدوية و لؤى و رامى كلهم صوتهم حلو

تيجى تقولى اغانيه حلوة .. هقولك واحد عمل 30 اغنية

فيه منهم 5 خمس ست اغانى حلوين .. يبقى نجم الجيل

هما 5 او 6 أغانى بس الى يتسمعوا

الباقى كله على طريقة وقفتى تتنطتى و ببقى نفسى أأأه و اعتزرى

يعنى هو مش المطرب الفظيع للدرجة دى

دا شريط حماقى الاخير احسن من كل الاغانى الى عملها سى تامر فى تاريخه

بلاش حماقى .. اسمع شريط محمد عدوية الاخير .. 12 أغنية كل اغنية فيهم احلى من اى اغنية عملها تامر

هتقولى بيلحن و يألف و يغنى و يرقص و يكتب افلام و يمثل و يخرج

هقولك ايه المشكلة لما يلحن ؟!!

رامى صبرى و حماقى و عدوية و حسام حبيب بيلحنوا زيه و أحسن منه

هتقوللى بيألف ؟!!

هقولك ألف ايه .. و قفتى تتنطتى و تتشقلبى و زغرطى يا منحرفة و اعتزرى

طب هو دا اسمه تأليف !!!!!!!!!!

هتقوللى معلش دا بيكتب افلام ؟!!

هقولك تقصد عمرو و سلمى الى قصته مسروقة من فيلم امريكانى

و بغض النظر انه مسروق وللا لأ .. هل دا يعتبر فيلم ؟

وللا فيديو كيلب طويل

تيجى بنت تقولى معلش دا ملك الاحساس و احساسه فظيع ؟

هقولها ايه تعريف الاحساس من وجهة نظرك .. شوية نحنحة و سهوكة و يعد يتنهد و هو بيغنى ؟؟

اللى بيقول ملك الاحساس يروح يسمع اغنية برتاح معاك لعمرو مصطفى

او لمستك .. مع ان صوت عمرو مصطفى مش فظيع بس احساسه اعلى بكتير

انا بقى نفسى اعرف ايه المميزات بتاعته ؟؟

ايه الى خلاه ملك الجيل ؟

و انهى جيل ؟؟ على رأى عمرو مصطفى

لأ بجد ازاى يبقى ملك الجيل ؟؟

تيجى واحدة تقوللى ملكش دعوة احنا جمهوره و سميناه ملك الجيل

هقولها و انت مين انتوا عشان تسموه .. انتو شوية مراهقين و تافهين و تفكيركم فى منتهى السطحية

لما واحد زى عمرو دياب او منير او فؤاد .. يتعبوا و يعملوا التاريخ دا
كله و يشقوا عشان يوصلوا للقب الخطير دا و ييجى البيه تامر ياخده ع الجاهز
بفلوس منتجه الخمورجى نصر محروس و الجزار التانى اللى اسمه السبكى

فلوسهم هى الى خلته نجم الجيل

و بعدين انتو عارفين يعنى ايه نجم الجيل او ملك الجيل

انتو فاهمين خطورة اللقب دا ؟!!

يعنى واحد بيمثل جيل بأكمله .. لو هو دا ملك الجيل

يبقى دا جيل مهبب !!

لأ بجد اقنعونى لو تامر الحبسجى دا نجم ملك الجيل .. يبقى عمرو دياب و منير و راغب علامة ايه ؟!!

و ايه سبب زيادة شعبيته لما خرج من السجن ؟

هل السبب فى دا الدعاية اللى اتعملتلو

وللا السبب هو فلوس منتجيه

وللا السبب هو الاعلام اللى خلاه شهيد لما دخل السجن

وللا الموضوع اكبر من كدا ؟!!

ولو الموضوع اكبر من كدا فعلا يبقى لازم نعرف مين اللى وراه

هل زى مبيقولو انه مخطط لبنانى و خليجى للاطاحة بعمرو دياب من العرش على المستوى العربى

طب لو القمة راحت من مصر . هل تامر دا هيعرف يرجعها ؟!!

وللا هنلاقى القمة بقت لمطرب لبنانى او خليجى ..

و فعلا لو تلاحظو الاعلام العربى و الخليجى خاصة .. بيحاولوا ينفخوا فى الواد دا

طب تفتكرو الاعلام العربى بينفخ فيه عشان سواد عيونه ؟

وللا عشان يحطمو شعبية عمرو دياب و منير الكبيرة فى الوطن العربى و الساحة تبقى خالية لمطربينهم

مش بعيد نصحى فى يوم نلاقى فضل شاكر وللا حسين الجسمى وللا عبد الله بالخير بقو هما اللى فى القمة

نرجع لموضوعنا

ايه سر زيادة شعبية الواد دا بعد لما خرج من السجن ؟

ياريت تقولولى رأيكم